Дастлабки саккиз япон императори ҳақидаги афсоналарга кўра, император Коан 101 йил давомида Японияга ҳукмдорлик қилган ва шу сабаб билан уни инсоният тарихидаги энг узоқ вақт ҳукмрон бўлган давлат раҳбари деб айтиш мумкин эди. Бироқ олимлар, Коаннинг ҳақиқатда мавжуд бўлганини инкор этмаса-да, ҳукмронлик даври ҳақида тарихий ҳужжатлар йўқлиги сабаб, уни жуда илоҳийлаштирилган шахс деб ҳисоблайди.
Олти ёшида тахтга ўтирган Қадимги Миср фиръавни Пепи Иккинчи Неферкара 94 йил давомида давлатни бошқарган ва инсоният тарихидаги энг узоқ вақт ҳукмронлик қилган давлат раҳбари, деб айтилади. Бироқ, бошқа бир гуруҳ олимларнинг фикрича, аслида Пепи Иккинчи 94 йил эмас, 64 йил тахтда ўтирган — қадимги юнон тарихчиси Манефон Миср ёзувларини нотўғри таржима қилгани сабаб, 94 йиллик ҳукмронлик ҳақида нотўғри тасаввур пайдо бўлган бўлиши мумкин.
Ҳукмронлиги расман ҳужжатлаштирилган давлат раҳбарлари орасида энг узоқ қудратда бўлган шахс Свазиленд қироли Собуза Иккинчи ҳисобланади — 70 хотини ва 210 фарзанди бўлган Собуза 1899 йили — тўрт ойлик вақтида тахтга ўтирган ва орадан 83 йил ўтиб — 1982 йили вафот этган.
14 октябрь куни Таиланд қироли Пхимупон Адулядет вафот этди. У амалдаги давлат раҳбарлари орасида энг узоқ — 68 йил ҳукмронлик қилган шахс эди. «Дарё» ҳукмронлик қилиш бўйича Адулядетдан кейинги ўринларда турган амалдаги давлат раҳбарлари рўйхатини эътиборингизга ҳавола этади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)