Шамоллаш туфайли даволанаётган Қозоғистон президенти Нурсултон Назарбоевнинг саломатлиги анча яхшиланди. Бу ҳақда 13 октябрь, пайшанба куни унинг қизи, сенатор Дариға Назарбоева маълум қилди, дея хабар беради «ТАСС».
«Ҳозир анча яхши», — дея маълум қилди Дариға Назарбоева журналистларнинг бу борадаги саволига жавобан.
Эслатиб ўтамиз, Нурсултон Назарбоев бетоблиги тўғрисида унинг матбуот хизмати 11 октябрь, сешанба куни хабар берганди. Касаллик сабабли ҳафта охиригача давлат раҳбарининг барча халқаро ташрифлари бекор қилинди. У 12—14 октябрь кунлари Тожикистон ва Арманистонга ташриф буюриши режалаштирилган эди.
Изоҳ (0)