Россия ва АҚШ Швейцариянинг Лозанна шаҳрида минтақадаги етакчи давлатлар иштирокида Сурия бўйича музокаралар ўтказади. Бу ҳақда «ТАСС» хабар бермоқда.
«Лавров ва Керри ўртасидаги келишувга мувофиқ, 15 октябрь, шанба куни Лозаннада Россия, АҚШ ва минтақадаги етакчи давлатлар ташқи ишлар вазирлари иштирокида учрашув бўлиб ўтади. Унда Суриядаги тангликни бартараф этиш учун шарт-шароит яратиш масалалари кўриб чиқилади», — деб маълум қилди Россия ТИВ.
«Минтақавий давлатлар иштироки ўта муҳим», — дея таъкидлади Сергей Лавров CNN телеканалига берган интервьюсида. — Бу Эрон, Саудия Арабистони, Туркия ва балки Қатар бўлиши мумкин. Мазкур учрашув ҳар томонлама қўллаб-қувватланган, бироқ амалга оширилмаган Россия — АҚШ келишувида кўзда тутилган тамойиллар асосида Сурия бўйича мулоқотни йўлга қўйишга имкон беради деб умид қиламан».
Изоҳ (0)