Shamollash tufayli davolanayotgan Qozog‘iston prezidenti Nursulton Nazarboyevning salomatligi ancha yaxshilandi. Bu haqda 13-oktabr, payshanba kuni uning qizi, senator Darig‘a Nazarboyeva ma’lum qildi, deya xabar beradi “TASS”.
“Hozir ancha yaxshi”, — deya ma’lum qildi Darig‘a Nazarboyeva jurnalistlarning bu boradagi savoliga javoban.
Eslatib o‘tamiz, Nursulton Nazarboyev betobligi to‘g‘risida uning matbuot xizmati 11-oktabr, seshanba kuni xabar bergandi. Kasallik sababli hafta oxirigacha davlat rahbarining barcha xalqaro tashriflari bekor qilindi. U 12—14-oktabr kunlari Tojikiston va Armanistonga tashrif buyurishi rejalashtirilgan edi.
Izoh (0)