Ўтган якшанба куни саломатлиги кескин ёмонлашган Таиланд қироли Пхумипон Адульядетнинг ҳолати 12 октябрь, чоршанбага келиб ҳам ўнгланмади. Бу ҳақда TJournal хабар бермоқда.
Шу сабабли қиролнинг ягона вориси шаҳзода Маха Вачиралонгкорн ва Таиланд бош вазири Чан-оча шошилинч равишда пойтахт Бангкокка қайтишга мажбур бўлди. Шаҳзода Германиядан, Мюнхендан учиб келди, бош вазир эса Чонбури провинциясига ташрифини бекор қилиб, вертолётда ортига қайтди.
Қирол Пхумипон Бангкокдаги Сирирач госпиталида даволанмоқда. Йил давомида у касалхонани деярли тарк этмади: уни охирги бор омма олдида 11 январда кўришган. 12 октябрь, чоршанба куни қирол ҳузурида унинг барча тўрт фарзанди, жумладан, валиаҳд шаҳзода ҳам бўлди.
Шифохона олдида ҳукмдорлари тезроқ соғайиб кетишини тилаб, дуо қилаётган ўнлаб таиландликлар тўпланган.
Изоҳ (0)