Серираж клиникасида шифокорлар назорати остида ётган Таиланд қироли, 88 ёшли Пумипон Адулядетнинг саломатлиги умуман олганда ҳозирча барқарорлашгани йўқ, дея хабар бермоқда «ТАСС» қироллик саройи баёнотига таяниб.
«11 октябрь ҳолатига кўра, унинг қон босими пасайди ва нафас олиши тезлашди… Умуман олганда аҳволи ҳозирча барқарорлашгани йўқ», — дейилади тиббий бюллетенда.
9 октябрь, якшанба куни Таиланддаги қироллик саройи бюроси Пумипон Адульядетнинг саломатлиги ёмонлашганини эълон қилган эди. Қирол қонини токсинлар, ортиқча тузлар ва суюқликлардан тозалаш жараёни ўтказилган, бу эса унинг қон босими кескин тушиб кетишига сабаб бўлган. Шундан сўнг қирол ўпкани сунъий шамоллатиш қурилмасига уланган.
Маълумот учун, 1946 йилда тахтга ўтирган Пумипон Адульядет ногиронлик курсисига ўтириб қолган ва охирги икки йил мобайнида турли ташхислар билан касалхоналарга ётқизилганди.
Изоҳ (0)