«Арсенал» дарвозабони Петр Чех тўқилган қалпоқларни сотиб олишни таклиф қилаётган реклама ролигини суратга олди (видео)

Англиянинг «Арсенал» жамоаси дарвозабони Петр Чех тўқилган ҳимоя қалпоғини таклиф қилаётган реклама ролигини суратга олди. Реклама видеоси чехиялик посбоннинг Facebook’даги саҳифасида эълон қилинди, деб хабар бермоқда «ТАСС».

«Эҳтимол, ҳар бир мухлисда бўлиши керак бўлган энг яхши аксессуар. Айниқса, куз ва қишнинг совуқ кунларида», – деди Чех.

Қалпоқда Чехнинг имзоси туширилган сурат мажвуд. Бош кийим нархи 31,20 еврога тенг.

Маълумот учун, Петр Чех 2007 йилдан буён махсус ҳимоя шлемида майдонга тушади. 2006 йилнинг октябрь ойида чехиялик посбон «Челси» сафида Англия чемпионати ўйинида бошидан жароҳат олганди.

2015 йилнинг июнь ойида Петр Чех «Челси»дан «Арсенал» сафига ўтганди.