Беларусь пойтахти Минскда ота-онаси Олимпиада чемпионлари бўлган чақалоқ дунёга келди: машҳур биатлончилар — беларуслик Дарья Домрачева ва норвегиялик Уле-Эйнар Бьорндален қизалоқли бўлди. Бу ҳақда «Первий канал» хабар берди.
Жуфтлик 2010 йили Ванкувердаги Олимпиадада танишган ва узоқ вақт муносабатларини ошкор этмаганди. Лекин ярим йил аввал Бьорндален Дарья ундан фарзанд кутаётганини тан олди, ёзда эса спортчилар никоҳдан ўтди.
Норвегияликнинг билдиришича, чақалоқ ва унинг онаси ўзини яхши ҳис этмоқда. Жуфтлик эса спортда қолади: Бьорндален мавсумга тайёргарлик кўрмоқда, Домрачева эса, табиийки, унга кейинроқ қўшилади.
Изоҳ (0)