Афғонистон шарқида ИШИД тарафдори бўлган 20 нафар жангари йўқ қилинди

Афғонистон шарқидаги Нангархар вилоятида учувчисиз учиш қурилмалари ёрдамида берилган авиазарбалар натижасида ИШИД тарафдори бўлган камида 20 нафар жангари йўқ қилинди. Бу ҳақда «ТАСС» хабар бермоқда.

Маҳаллий куч тизими ходимларига кўра, қурилмалар орқали амалга оширилган ҳаво ҳужумига Назиан ва Ашин туманлари нишон бўлди. Авиазарбалар чоғида тинч аҳоли жабрланмагани билдирилмоқда. 

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.