Хитойда «Аэре» тўфони туфайли метеорологик хавфнинг юқори даражаси сақланиб қолмоқда

Хитой жанубида соҳилга «Аэре» тўфони яқинлашаётганлиги туфайли метеорологик хавфнинг юқори даражаси сақланиб қолмоқда. Бу ҳақда Давлат метеорологик маркази маълум қилди, деб ёзади «ТАСС».

Ҳозирги пайтда тўфон Гонконг йўналишида соатига 10—15 километр тезликда ҳаракатланмоқда.

Биринчи бўлиб тўфон зарбига Хайнань провинцияси ва Гуандун провинциясининг соҳилбўйи туманлари учрайди. Жума, 7 октябрь ва шанба куни Фуцзянь, Чжэцзян провинциялари, шунингдек, Тайванда кучли ёмғирлар ва денгизда кучли тўлқинланиш кутилмоқда.

Маҳаллий ҳукуматга аҳолини сув тошқини ва кўчкилардан ҳимоя қилиш чораларини кўриш тавсия этилган.

Очиқ денгизда бўлган балиқчиларга яқин атрофдаги порт ва кўрфазларга яшириниш ҳақида кўрсатма берилган.