АҚШнинг Миннесота штати Лайно-Лейкс шаҳри ҳудудида вертолёт ҳалокатга учраши натижасида бир неча киши нобуд бўлди, деб ёзади «ТАСС» ABC телекомпаниясига таяниб.
«Полиция далага қулаган вертолёт ҳақида маълумотга эга. Вертолётнинг куйиб кўмирга айланган бўлаклари топилди», — деди маҳаллий шериф. У, шунингдек, полиция ҳозирча ҳалок бўлганлар сонини аниқ айта олмаслигини маълум қилди.
Телеканал хабарига кўра, воқеа гувоҳлари осмонда портлаш товушини эшитган ва ерга қулаётган оловли шарни кўрган.
Полиция ҳодиса юзасидан текширув олиб бормоқда.
Изоҳ (0)