Red Flag-Alaska («Қизил байроқ — Аляска») ҳарбий-ҳаво тактик ўқув машғулотлари 6 октябрь, пайшанба куни Американинг Аляска штатида бошланди, дея хабар бермоқда «ТАСС».
«Red Flag-Alaska АҚШ ва унинг иттифоқдошлари ҳарбий учувчиларига, экипажига ҳамда тезкор кўмак персоналига бутун дунё бўйлаб турли сценарийларга тайёргарлик доирасида ҳаво жанги олиб бориш малакасини машқ қилиш ва яхшилаш имкониятини беради», — деди Американинг Эйелсон ҳарбий-ҳаво базаси матбуот хизмати.
Ҳарбий машғулотларда 80 дан ортиқ самолёт ва юзлаб экипаж аъзолари, техник персонал ва тезкор кўмак мутахассислари иштирок этади. Улар орасида Жанубий Кореянинг Осан ҳарбий базаси иккита эскадрильяси ва АҚШ ҳарбий-ҳаво кучларининг Япониядаги Кадена базаси эскадрильясининг қирувчилари бор. Қолган жанговар машиналар Американинг Калифорния, Гавайи ва Аляска штатларидаги базаларидан етиб келди. Иштирокчилар бўлинмаларининг бир қисмига Исроил, Швеция ва Янги Зеландия вакиллик қилмоқда.
Изоҳ (0)