Исроил собиқ президенти Шимон Переснинг дафн маросими 30 сентябрь, жума куни бўлиб ўтади. Бу ҳақда Исроил жамоатчилик радиоси маълум қилди, деб хабар бермоқда «Интерфакс».
Собиқ президент Қуддус шаҳридаги Герцль тоғида дафн этилиши кутилмоқда. Перес билан видолашув маросими 29 сентябрь, пайшанба кунига белгиланган.
Эслатиб ўтамиз, миясига қон қуйилиши туфайли шифохонага ётқизилган Исроилнинг собиқ президенти Шимон Перес 28 сентябрь, чоршанба куни 93 ёшида вафот этди.
Сиёсатчи вафотидан сўнг кўзнинг мугуз пардаси донорига айланди. Уни трансплантацияга эҳтиёж сезувчи беморлар қўлга киритади. Донорлик трансплантацияси Переснинг хоҳишига кўра, оиласининг розилиги билан амалга оширилди.
Изоҳ (0)