Қирғизистон президенти Алмазбек Атамбаев даволаниш учун Москвага етиб келди. Бу ҳақда «ТАСС» Қирғизистон раҳбари матбуот хизматига таяниб маълум қилди.
Аввал хабар қилинганидек, БМТ Бош Ассамблеясида иштирок этиш учун Туркия орқали Нью-Йоркка йўл олган Атамбаев Истанбул аэропортига етиб келганидан сўнг ўзини ёмон ҳис қилиб, кўкрак қисмида оғриқ сезган. Аэропортнинг ўзидаёқ у дастлабки кўрикдан ўтказилди ва «юрак билан боғлиқ муаммо симптомлари» аниқланди. Туркиялик шифокорлар Атамбаевга чуқурлаштирилган тиббий кўрикдан ўтишни тавсия қилди.
Кейинроқ Алмазбек Атамбаев тиббий кўрикдан ўтиш учун қисқа муддатли таътил олгани ҳақида хабар қилинди.
Изоҳ (0)