Олимлар халқаро гуруҳи семиришга бўлган ирсий мойилликни парҳез ёки жисмоний машқлар билан қоплаб юбориш мумкинлигини аниқлади. Ўз хулосаларини олимлар British Medical Journal’да чоп этди.
Парҳезшунослар 10 минг киши иштирокидаги саккизта тадқиқотни таҳлил қилди. Улар FTО генининг тур (аллел)ларидан бири ортиқча вазн бўйича юқори хавф билан боғлиқ эканлигини аниқлади.
Озиш дастурининг ушбу аллелга эга иштирокчилари унга эга бўлмаган кишиларга нисбатан ўртача бир неча килограммга оғирроқ бўлган. Шунга қарамай, улар шундай даражада осонлик билан ортиқча вазндан халос бўлган.
Метатаҳлил натижалари жисмоний фаоллик, парҳез ёки дори-дармон наслий асосга эга бўлган ва оддий семизлик билан курашда бир хил даражада самарали эканлигини кўрсатди.
Изоҳ (0)