АҚШнинг Шимолий Каролина штати губернатори Патрик Маккрори Шарлотт шаҳрида 20 сентябрь, сешанба куни бошланган тартибсизликлар туфайли фавқулодда ҳолат эълон қилди, деб ёзади «РБК».
Reuters маълумотларига кўра, тартибсизликлар чоғида бир киши ўқотар қуролдан яраланган. Дастлаб, Шарлотт полицияси бошлиғи унинг ўлими ҳақида эълон қилди, кейинроқ шаҳар ҳукумати эркак оғир аҳволда касалхонага ётқизилганини айтди. Ўқ полициячи томонидан эмас, оддий фуқаро томонидан узилган.
Намойишчиларни тарқатиб юбориш учун ҳуқуқ-тартибот органлари кўзни ёшлантирувчи газ ва резина ўқлардан фойдаланди.
Шарлоттдаги норозиликлар 20 сентябрь куни полициячилар томонидан афроамерикалик Кейт Скоттнинг ўлдирилиши туфайли бошланди. Полиция у тўппонча билан қуролланиб, офицернинг қуролни ташлаш буйруғига итоат қилмади, деб ҳисоблайди. Скоттнинг оиласи ва гувоҳлар сўзларига кўра, унинг қўлида ўқотар қурол эмас, китоб бўлган.
Изоҳ (0)