Саудия Арабистонининг Жидда шаҳрида қирол Абдул Азиз номидаги аэропорт ходимлари етиб келган самолётлардан бирининг бортидан ўлган эркакнинг жасадини топиб олди, дея хабар бермоқда «ТАСС» аэропорт матбуот хизматига таяниб.
«21 сентябрь, чоршанба куни 12:00 (Тошкент вақти билан 14:00)да Flynas авиакомпаниясининг 7207 рақамли рейси Нигерияга зиёратчиларни етказиб қўйиб, қайтиб келгач, махсус хизматлар самолётни кейинги парвозга тайёрлаш доирасида стандарт текширув ўтказди. Натижада шасси бўлмасида қора танли эркакнинг жасади топилди», — дейилади хабарда.
Аэропортдагилар масъул хизматларнинг барчаси воқеадан хабардор қилинганини айтди.
Изоҳ (0)