Сингапурлик ошпаз Чань Хун Мэн ўз қайласининг рецептини сотувга қўйди. У икки ой аввал анъанавий маҳаллий «чикен райс» (гуручли товуқ) таоми учун Michelin юлдузини қўлга киритган эди, дея хабар бермоқда «ТАСС».
Ошпаз ўз ижод маҳсулини 2 миллион Сингапур доллари (1,4 миллион АҚШ доллари)га баҳолади. У тайёрлаган егуликнинг бир порсияси эса бундан икки миллион марта арзон туради.
Чаннинг таъкидлашича, у шунчаки рецепт сирини сотмоқчи эмас, балки Сингапурдан ташқарига ҳам ёйилган емакхоналар тармоғини яратиш ниятида.
У рецепт сирини сотиш бўйича бир неча харидорлар билан музокаралар олиб боргани, бироқ улар муваффақиятсиз якунланганлигини ҳам маълум қилди.
Ҳозирча эса Чань шериклари билан бизнесини Сингапур ҳудудида кенгайтириш билан банд.