МАГАТЭ раҳбари КХДРни агентлик билан ҳамкорликни бошлашга даъват этди

Шимолий Корея МАГАТЭ билан ҳамкорликни бошлаши ва БМТ ҳамда агентлик резолюцияларига риоя этиши лозим. Бу ҳақда агентлик бошқарувчилари кенгаши йиғилишида чиқиш қилган МАГАТЭ бош директори Юкия Амано маълум қилди, дея хабар беради «ТАСС». 

«КХДРни БМТ Хавфсизлик кенгаши ва МАГАТЭнинг барча тегишли резолюцияларини тўлиқ бажаришга чақираман. Шимолий Корея кечиктирмай агентлик билан ҳамкорликни бошлаши ва ечилмаган масалаларни бартараф этиши зарур», — дея таъкидлади Амано. 

Эслатиб ўтамиз, 9 сентябрь куни Шимолий Корея ўз тарихидаги бешинчи ядровий синовни ўтказди. Мутахассисларнинг сўзларига кўра, бу мамлакат тарихидаги энг йирик ядровий синов бўлган, КХДР раҳбарияти эса энди ядровий каллакларни баллистик ракеталарга ўрната олишини маълум қилди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.