Қуддуснинг Эски шаҳар қисмида содир этилган ҳужум оқибатида исроиллик икки полициячи турли даражада тан жароҳати олди. Бу ҳақда «ТАСС» хабар бермоқда.
«Қуддусда совуқ қуролдан фойдаланган ҳолда уюштирилган ҳужум оқибатида икки полициячи яраланди. Улардан бири оғир, иккинчиси эса ўртача ҳолатда. Ҳужум қилган шахс зарарсизлантирилган», — дея таъкидлади Қуддус полицияси вакили.
Нисбатан узоқ муддатли танаффусдан сўнг, 16 сентябрь, жума кунидан бошлаб Фаластин—Исроил қарама-қаршилиги ҳудудида бундай низолар қайта кузатила бошланди.
Жорий ҳодиса эса жумадан бери қайд этилган олтинчиси бўлди: мазкур ҳужумларнинг бештасида совуқ қурол қўлланган бўлса, яна бирида автомобилдан фойдаланилди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)