Сурия армияси ва кўнгиллилар бўлинмалари 19 сентябрь, душанба куни жангариларнинг Хама яқинида, Ал-Каббария туманидаги ҳужумини қайтарди. Бу ҳақда «ТАСС» хабар бермоқда.
«Сурия» телеканали ахборотига кўра, қўшинлар душманни ортга чекинишга мажбур этди ва 25 нафар жангарини йўқ қилди.
Шунингдек, йирик калибрли пулемётлар ўрнатилган кўплаб йўлтанламас автомобиллар ишдан чиқарилган.
Хама шимолида «Жабҳат фатҳ аш-Шом», «Жунд ал-Қудс» ва «Жаиш ал-Изза» каби қуролланган гуруҳлар катта куч тўплаган ва фронтнинг бир неча қисмларида ҳукумат қўшинлари мудофаа марраларини ёриб ўтган.
Сурия қуролли кучлари қўмондонлиги вилоятга қўшимча армия бўлинмаларини ташлаб, бой берилган марраларни қайтариб олишга ҳаракат қилмоқда.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)