Дания ҳарбий-ҳаво кучларининг икки F-16 қирувчи самолёти Сурия қўшинларининг Дайр-аз-Зорда ўққа тутилишида иштирок этган. Бу ҳақда мамлакат қуролли кучлари сайтида эълон қилинган расмий баёнотда маълум қилинди, дея хабар беради «ТАСС».
«Икки F-16 қирувчи самолёти бошқа давлатлар ҳарбий-ҳаво кучлари билан ҳамкорликда мазкур ҳужумларда қатнашди. Агар зарбаларнинг нотўғри берилгани тасдиқланса, Дания томони кечирим сўрайди», — дейилади баёнотда.
Эслатиб ўтамиз, АҚШ бошчилигидаги коалиция самолётлари 17 сентябрь, шанба куни Сурия армиясининг Дайр-аз-Зор шаҳри яқинидаги марраларига тўртта авиазарба бергани, натижада 62 нафар ҳарбий хизматчи ҳалок бўлиб, юзга яқин киши яралангани ҳақида хабар берилган эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)