Tesla Motors компанияси бош қароргоҳи Сиэтлда жойлашган Quest Integrity Group нефть сервиси фирмасига қарши даъво аризаси берди, дея хабар қилади «ТАСС».
Аризада таъкидланишича, Quest Integrity Group молия директори Тодд Катц ўзини Tesla раҳбари Илон Маск деб таништириб, тарқатиш учун мўлжалланмаган маълумотларни олмоқчи бўлган. Катц гўёки шу йилнинг августида аввал Маск ишлатган почта қутисига ўхшаш электрон манзилдан Tesla бош молиячисига хат юбориб, молиявий прогнозлар ва Model 3 автомобили учун дастлабки буюртмалар ҳақидаги маълумотни сўраган.
Tesla Quest Integrity Group’дан товон пули тўлашни талаб қилмоқда, унинг миқдори ҳали белгиланмаган. Даъвода таъкидланишича, воқеа натижасида Tesla’га тегишли ҳеч қандай ахборот ошкор этилмаган. Quest Integrity Group томонидан расмий изоҳ берилганича йўқ.
Изоҳ (0)