Ҳиндистон Афғонистонни қўллаб-қуватлаш ва ривожлантириш учун 1 миллиард доллар ажратади. Бу ҳақда мамлакат бош вазири Нарендра Моди Афғонистон президенти Ашраф Ғани билан Нью-Деҳлидаги музокаралар якуни бўйича маълум қилди, дея хабар беради «ТАСС».
Икки томон жиноий қидирувда бўлган шахсларни ўзаро бир-бирига бериш, фуқаровий ва тижорий ишларда шериклик бўйича келишув, шунингдек, коинотдан тинчлик мақсадида фойдаланишда ҳамкорлик юзасидан меморандумни имзолади. Моди мамлакат Афғонистоннинг таълим, соғлиқни сақлаш, қишлоқ хўжалиги, аёллар ҳуқуқ ва имкониятларини кенгайтириш, инфраструктурани ривожлантириш, демократик тизимларни мустаҳкамлаш соҳаларидаги сўровларини кўриб чиқишга тайёр эканлигини билдирди.
Томонлар шу йил май ойида имзоланган Афғонистон, Ҳиндистон ва Эрон иштирокидаги Чабахар порти ҳамда у билан боғлиқ транспорт йўлагини ривожлантириш бўйича лойиҳа амалга оширилишини тезлаштириш масаласини ҳам муҳокама қилди.
Изоҳ (0)