Tesla Motors kompaniyasi bosh qarorgohi Sietlda joylashgan Quest Integrity Group neft servisi firmasiga qarshi da’vo arizasi berdi, deya xabar qiladi “TASS”.
Arizada ta’kidlanishicha, Quest Integrity Group moliya direktori Todd Kats o‘zini Tesla rahbari Ilon Mask deb tanishtirib, tarqatish uchun mo‘ljallanmagan ma’lumotlarni olmoqchi bo‘lgan. Kats go‘yoki shu yilning avgustida avval Mask ishlatgan pochta qutisiga o‘xshash elektron manzildan Tesla bosh moliyachisiga xat yuborib, moliyaviy prognozlar va Model 3 avtomobili uchun dastlabki buyurtmalar haqidagi ma’lumotni so‘ragan.
Tesla Quest Integrity Group’dan tovon puli to‘lashni talab qilmoqda, uning miqdori hali belgilanmagan. Da’voda ta’kidlanishicha, voqea natijasida Tesla’ga tegishli hech qanday axborot oshkor etilmagan. Quest Integrity Group tomonidan rasmiy izoh berilganicha yo‘q.
Izoh (0)