Ироқ армияси АҚШ бошчилигидаги халқаро коалиция кўмагида ИШИД назоратида бўлган мамлакат ҳудудининг ярмини озод қилди. Маҳаллий аҳоли эса аста-секин озод этилган туманларга қайтмоқда. Бу ҳақда Бағдодда ташриф билан бўлиб турган АҚШ Давлат котибининг биринчи ўринбосари Энтони Блинкен маълум қилди, дея хабар беради «ТАСС».
«Вашингтон Ироқ бош вазири томонидан олиб борилаётган ислоҳотлар сиёсати ва ҳукумат кучларининг ИШИДга қарши курашини қўллаб-қувватлайди. Биз демократик, федератив ва ягона Ироқ тарафдоримиз», — дея таъкидлади олдинроқ АҚШ мамлакатга гуманитар кўмак тарзида 181 миллион доллар беришини билдирган Блинкен.
Блинкен бошчилигидаги АҚШ Давлат департаменти Ироққа маҳаллий расмийлар билан хавфсизлик ва ИШИД жангариларига қарши кураш, жумладан, Мосул шаҳри устидан назоратни тиклаш масалаларини муҳокама этиш учун келди.
Изоҳ (0)