Дунёдаги энг йирик мебель ритейлери — Швециянинг IKEA компанияси 31 август куни якунланган молия йилида қайд этилган рекорд даражадаги савдолар ҳақида ҳисоб берди, деб ёзади «Коммерсантъ».
Компания савдолари ушбу давр ичида 7,1 фоизга ўсиб, 34,2 миллиард еврони ташкил қилди. Компаниядагилар буни қатор мамлакатлар, жумладан, Польша, Хитой, Австралия ва Канадада савдо ҳажми фаол ўсгани билан изоҳлади. Швеция компанияси учун энг катта бозор Германия бўлиб қолмоқда, АҚШ ундан бироз ортда қолмоқда.
Йил мобайнида IKEA 12 та янги дўкон, шунингдек, онлайн тарзда буюртма қилинган маҳсулотни олиб кетиш мумкин бўлган 19 та савдо нуқтасини очди. Энди компания дунёнинг 28 та мамлакатида 340 та дўконга эга бўлди.
Жорий молия йилида компания Ҳиндистон ва Сербияда илк дўконларини очишни режалаштирмоқда, яқин тўрт йил ичида эса савдо ҳажмини деярли 50 фоизга оширмоқчи.
Изоҳ (0)