Volkswagen компанияси ходими Жеймс Роберт Лиэнг Детройтдаги суд мажлисида «дизельгейт» доирасида фирибгарликни ташкил этиш мақсадида тил бириктирганлигини тан олди, деб ёзади «Газета.ru».
АҚШ адлия вазирлиги вакили сўзларига кўра, муҳандис, шунингдек, тергов билан ҳамкорлик қилишга тайёрлигини билдирган.
Дастлабки маълумотларга кўра, Лиэнг ишланган газларда зарарли моддалар мавжудлиги ҳақидаги ҳақиқий маълумотларни яшириш имконини берувчи дастурни ишлаб чиққанлардан бири бўлган.
Муҳандисга жиноий тил бириктириш ва АҚШнинг тоза ҳаво тўғрисидаги қонуни низомларини бузиш айблари қўйилган эди.
Аввалроқ Volkswagen АҚШда дизель можароси билан боғлиқ зарарни қоплаш тариқасида дилерларга 1,2 миллиарддан ортиқ маблағ тўлашга рози бўлгани хабар берилган эди.
Изоҳ (0)