Google йўлда полиция машиналарини таниб олиш тизимини патентлади

Google компаниясининг ҳайдовчисиз автомобиллари полиция машинаси яқинлашганини аниқлаб, тегишли тарзда реакция кўрсатиш: йўл бериш ёки полиция талабига кўра тўхташ имкониятини берувчи тизим билан жизоҳланади, деб ёзади «РБК».

АҚШда рўйхатга олинган патентда шошилинч хизматларнинг ўчиб-ёниб турувчи маёқчаларини таний оладиган технология таърифланган. Тизим датчиклари қизил ва кўк рангларни, шунингдек, вспишкалар кетма-кетлигини ажрата олади ва шу тариқа полиция машинасига дуч келганини аниқлайди.

Технология, шунингдек, полиция автомобили йўналишини белгилаш ва вазият жавоб реакциясини талаб қилиш-қилмаслигини аниқлаш имконини беради. Тизимга сигналларнинг тегишли кетма-кетлиги ҳақидаги маълумотлар киритилса, у тез ёрдам машиналарини ҳам таний олади.

Айни пайтда компания Британия ҳукумати билан ҳайдовчисиз автомобилларни қўллашга рухсат бериш ҳақида музокаралар олиб бормоқда.