Таиландда 2014 йилда рўй берган ҳарбий тўнтаришдан сўнг жорий этилган ҳарбий трибуналлар тизими «икки йил давомида тинчлик ва тартиб тиклангани» туфайли бош вазир Прают Чан-Оча фармони билан бекор қилинди. Зудлик билан кучга кирувчи мазкур кўрсатма қироллик саройи бюллетенида чоп этилди, дея хабар беради «ТАСС».
Ички хавфсизлик билан боғлиқ ҳуқуқбузарликларни кўриб чиқиш мамлакат суд тизими ихтиёрига қайтарилди.
Шунингдек, судлар энди ҳукмрон ҳарбий кенгаш буйруқлари (масалан, сиёсий йиғинларни ман этувчи) бажарилмаслигига, мамлакат ҳудудида жиноят саналадиган қиролни ҳақорат қилишга доир ишларни ҳам кўриб чиқади.
Шу билан бирга, айирмачилар фаолияти туфайли хавфсизликнинг махсус тартиби жорий этилган Паттани, Яла ва Наратхиват каби жанубий провинцияларда ҳарбий трибуналлар сақлаб қолинади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)