Тадқиқотчилар Шимолий Муз океани орқали шимоли-ғарбий ўтиш йўлини қидирган британиялик қутбчи Жон Франклиннинг экспедициясига кирган «Террор» кемасини топди, дея хабар бермоқда «РИА Новости».
Британиялик денгиз офицери Жон Франклин раҳбарлигида «Эребус» ва «Террор» кемаларида йўлга чиқиб, ғойиб бўлган экспедиция Атлантика океанидан Арктика орқали Тинч океанига олиб борадиган йўлни қидириб топиши керак эди. Франклин ва унинг экипажи — 128 денгизчи Британиядан 1845 йил майида сузиб чиққан. Улар ҳақидаги сўнгги янгиликлар ўша йилнинг августида олинган, экспедициянинг кейинги тақдири номаълум.
Экспедициянинг флагман кемаси — «Эребус»нинг топилгани ҳақида 2014 йил сентябрида маълум қилинганди.
11 сентябрь, якшанба куни Arctic Research Foundation тадқиқот ташкилоти мутахассислари масофадан бошқариладиган кичик субмарина ёрдамида Арктикадаги кўрфазлардан бирида чўкиб кетган иккинчи кемага етиб борди.
Изоҳ (0)