Ироқ хавфсизлик кучлари 12 сентябрь, душанба куни ИШИД томонидан назорат қилинаётган Мосул шаҳри жанубида террорчилар ҳужумини қайтарди ва 100 га яқин жангарини йўқ қилди. Бу ҳақда Найнава вилояти полицияси бошқармаси маълум қилди, дея хабар беради «РИА Новости».
«Террорчилар бугун вилоят жанубидаги Бағдод ва Мосулни боғловчи трассада, ал-Барари тумани яқинида Найнава полицияси саккизинчи полкига ҳужум уюштирди. Армия ва полиция кучлари 100 га яқин террорчини ўлдиришга муваффақ бўлди, ўнлаб жангарига жароҳат етказилди», — дейилади полиция баёнотида.
Мазкур тўқнашувларда Ироқ хавфсизлик кучлари жангчилари орасида йўқотишлар бўлмагани билдирилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)