Сурияда 12 сентябрь куни Тошкент вақти билан 21:00 да кучга кирган ярашув тўғрисидаги битим мамлакат бирлигини сақлаш учун сўнгги имкониятга айланиши мумкин. Бундай баёнот билан АҚШ давлат котиби Жон Керри 12 сентябрь кунги брифингда чиқиш қилди, деб ёзади «РБК».
«Барча томонларни ўт очишни тўхтатиш ҳақидаги битимни қўллаб-қувватлашга чақираман, чунки у бирдам Сурияни қутқариши керак бўлган сўнгги имкониятга айланиши мумкин», — деди Керри.
Давлат департаменти раҳбари таъкидлашича, сўнгги ҳисоботлар жанговар ҳаракатлар фаоллиги бироз пасайганини кўрсатмоқда, аммо якуний хулосалар чиқариш учун ҳали эрта. «Шубҳасиз, гоҳ у ердаги, гоҳ бу ердаги қонунбузарликлар ҳақида хабар қилинади, ҳар қандай ярашувнинг бошида шундай бўлади», — дея қўшимча қилди у.
Томонларни яраштириш бўйича янги режа ҳақида 9 сентябрь куни Керри ва унинг россиялик ҳамкасби, Сергей Лавров ўртасидаги 15 соатлик музокаралардан сўнг эълон қилинган эди. Келишиб олинган режа бешта ҳужжатни ўз ичига олади, бироқ улар махфий ҳолда қолди.
Изоҳ (0)