Зимбабве президенти Роберт Мугабе ўзи акс этган ҳайкални очиб берди. Ёдгорликда мамлакат етакчиси мушт қилиб тугилган қўли боши устида кўтарилган ҳолда тасвирланган, дея хабар беради «ТАСС».
Ҳайкалнинг баландлиги 3,8 метр бўлиб, уни яратишга ярим йилдан кўпроқ вақт кетди. Ҳайкалтарош Доменик Бенхурнинг таъкидлашича, «президент — биринчи рақамли шахс, шу боис ёдгорлик кучли тассурот қолдириши» зарур.
Бироқ жамоатчилик бу ҳайкалга «Симпсонлар услубидаги супермен» дея ном бериб, ижтимоий тармоқларда унинг устидан кулмоқда. Танқидчиларнинг бошқа бир гуруҳи мазкур ёдгорликни яратиб, «муаллиф ижодий суиқасдга йўл қўйгани»ни билдирмоқда.
Эслатиб ўтамиз, 92 ёшли Мугабе дунёдаги энг кекса давлат раҳбари бўлиб, мамлакат мустақилликка эришган 1980 йилдан бери Зимбабвени бошқариб келади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)