Эстония ер эгалари марказий уюшмаси Таллинда мамлакат парламенти биноси олдига 10 мингта бир литрли сут идишларни териб чиқди, дея хабар бермоқда «ТАСС».
Парламент кузги сессияси биринчи йиғилиши куни ташкил этилган мазкур акция ёрдамида фермерлар депутатлар эътиборини Евроиттифоқнинг Россияга қарши санкциялари ва Россиянинг жавоб чоралари сабаб соҳада зарар ортиб бораётганига қаратишга ҳаракат қилди.
«Ҳар бир идиш бизга охирги икки йил давомида нохуш иқтисодий муҳит туфайли чет элга юборилган ёки сўйилган Европадаги энг яхши сигирлар ҳақида эслацин. Жониворларнинг сони камайган сари қишлоқ жойларидаги иш ўринлари ҳам қисқариб бормоқда», — дея таъкидлади акция ташкилотчиларидан бири, уюшма бошқаруви раиси Вахур Тиниссоо.
Эстония сут ишлаб чиқарувчилар уюшмаси раиси Яанус Муракаснинг билдиришича, ўтган йили сутнинг харид нархи учдан бирига пасайиб кетгани туфайли тармоқ жуда катта зарар кўрмоқда.
Эстония статистика департаменти маълумотларига кўра, 2015 йилда мамлакатнинг Россияга экспорти ҳажми 35 фоиз ёки 400 миллион евродан кўпроққа қисқарган.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)