Россия Фанлар академияси Ҳужайра биофизикаси институти олими Алексей Карнаухов ёшартириш технологиясини ўзида синаб кўрадиган биринчи одам бўлишга қарор қилди, деб ёзади «Известия». Бунгача ўзи ишлаб чиқаётган услуб сичқонларда муваффақиятли синовдан ўтказилган эди.
«Мен умуман, бу имкониятни улкан омад сифатида қабул қилмоқдаман. Гап шундаки, донорнинг ёши бўйича тиббий ва ҳатто юридик чекловлар мавжуд — у 55 ёшдан катта бўлмаслиги керак. Шундай экан, менда кам вақт қолди», — деди биофизик.
Карнаухов ва унинг ҳамкасблари сичқонлар устида ўтказган экспериментларда ҳаёт давомийлиги ўртача 34 фоизга ошган эди. «Одамлар учун бу тахминан 25 йил қўшимча умрга тўғри келади», — дея таъкидлади олим.
Олимнинг услуби 2009 йилда Карнауховнинг гуруҳи томонидан шакллантирилган «қаримайдиган муртак линияси» парадоксини ечишга асосланган. Технология ирсий нуқсонларнинг тўпланиши қаришнинг асосий механизми эканлигини кўзда тутади ва иликни кўчириб ўтказишдан фойдаланади.
Изоҳ (0)