АҚШ президентлигига Республикачилар партиясидан номзод Дональд Трамп рақиби Ҳиллари Клинтон унинг тарафдорларини «аянчли тўда» деб атаб, сайловолди кампанияси давомида энг жиддий хатога йўл қўйганини айтди. Бу ҳақда «РБК» хабар берди.
«Ҳиллари Клинтон сиёсий мавсумдаги энг хунук хатога йўл қўйиб, америкалик сайловчиларга қаратилган бу беъмани ташланишни тан олиш ўрнига уни ёпишга уриниши шармандалик эмасми? Шунча америкаликка нисбатан нафрати ва такаббурлиги билан у қандай қилиб АҚШ президенти бўлиши мумкин?» — дейилади Трампнинг расмий сайтида жойлаштирилган баёнотда.
Клинтон ўз тарафдорлари олдидаги чиқиши чоғида Трампни қўллаб-қувватлаётганларнинг ярмини «ачинарли тўда» деб атаганди. Бироқ кейинчалик у мазкур сўзлари учун узр сўради.
Изоҳ (0)