«Хаббл»дан олинган фотосуратлар олимларга биринчи марта Оққуш юлдуз туркумидаги йирик юлдузнинг «оддий» қора туйнукка айланиши жараёнини кўриш имконини берди, деб ёзади «РИА Новости».
Қора туйнук макон ва замондаги алоҳида зона бўлиб, унинг ичидаги гравитация кучлари шунчалик кучлики, уларни ёруғлик тезлигида ҳаракатланаётган объектлар, шу жумладан, ёруғликнинг ўзи ҳам енгиб ўта олмайди.
Олимлар сўзларига кўра, «оддий» қора туйнукларни, узоқ галактикалар марказларида жойлашган ўта йирик «акалари»дан фарқли равишда, осойишта феъл-атвори туфайли, аниқлаш ва ўрганиш жуда қийин.
Уларнинг мавжудлигини улар юлдузлар нурларини синдириши, шунингдек, улар материя қуйқаларини ютаётган вақтда ажралиб чиқадиган радионурланишлар орқали билиб олиш мумкин.
«Хаббл» орқали олинган суратлар астрономларга қора туйнукнинг туғилиш жараёни изларини кўриш имконини берди, буни эса аслида фақат спектрнинг инфрақизил қисмидагина фарқлаш мумкин.
Изоҳ (0)