Ҳиндистон шарқидаги Биҳар штатида юз берган сув тошқинлари оқибатида қурбон бўлганлар сони 216 нафарга етди. «ТАСС» хабарига кўра, табиий офат натижасида 1,5 миллионга яқин маҳаллий аҳоли мол-мулки ва бошпанасидан маҳрум бўлган.
Табиий офатлар оқибатларини бартараф этиш миллий бошқармаси ахборотига кўра, тошқинлардан Биҳарнинг 12 округидаги 2210 қишлоқ зарар кўрган, ўтган уч ҳафта давомида табиий офат 4,1 миллиондан ортиқ аҳолига зарар етказган.
Қутқарувчилар қайиқлар ёрдамида хавфли ҳудудлардан умумий ҳисобда 740 минг кишини кўчиришга муваффақ бўлган, уларнинг 395 минг нафари 625 та муваққат лагерларга жойлаштирилган, қолганлари қариндошлари ва дўстларининг уйидан қўним топган.
Биҳардаги сув тошқинларига муссон ёмғирлари сабаб штат ҳудудидан оқиб ўтувчи олти дарё, хусусан, Ганга сувининг кескин кўтарилиши сабаб бўлган. Ҳозирда сув сатҳи пасаяётгани айтилмоқда.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)