Массачусетс технология институти тадқиқотчилари тасвирларни таниб олиш тизимини ишлаб чиқди, у бир даста қоғоздаги матнни фарқлаш ҳамда шакли ўзгарган ва ярми ўчган ҳарфларни таниб олишга қодир, деб ёзади «Газета.ru».
Технология, частоталари микротўлқинли ва инфрақизил нурланишлар ўртасида бўлган тетрагерц диапазондаги нурланишларга асосланган. Тетрагерц тўлқинлар учун диэлектриклар (масалан, ёғоч-тахта, қоғоз) ўтказувчан ҳисобланади, аммо бундай нурлар металл ва сув орқали ўта олмайди. Турли кимёвий моддалар уларни турлича ютади, айнан шу нарса ушбу турдаги нурланишни қоғоздаги сиёҳ билан қопланган қисмларни фарқлаш учун қўллаш имконини беради.
Олимлар айтишича, тизим ҳар битта варақга биттадан ҳарф чоп этилган қоғоз дастасида синаб кўрилган. У энг тепа қисмдаги тўққизта саҳифада ёзилган ҳарфларни хатосиз аниқлашга қодирлиги маълум бўлди. Жоржия технология институти билан ҳамкорликда ёзилган алгоритм, шунингдек, шакли ўзгарган ёки нотўлиқ бўлган ҳарфлар тасвирларини ҳам таний олади.
Тадқиқотчилар технология археолог ва тарихчиларга қўл келиши мумкинлигига, улар ундан антиквар китобларга зарар етказмаслик учун, уларни очмасдан ўқишда ёрдам беришига ишончи комил.
Изоҳ (0)