Hindiston sharqidagi Bihar shtatida yuz bergan suv toshqinlari oqibatida qurbon bo‘lganlar soni 216 nafarga yetdi. “TASS” xabariga ko‘ra, tabiiy ofat natijasida 1,5 millionga yaqin mahalliy aholi mol-mulki va boshpanasidan mahrum bo‘lgan.
Tabiiy ofatlar oqibatlarini bartaraf etish milliy boshqarmasi axborotiga ko‘ra, toshqinlardan Biharning 12 okrugidagi 2210 qishloq zarar ko‘rgan, o‘tgan uch hafta davomida tabiiy ofat 4,1 milliondan ortiq aholiga zarar yetkazgan.
Qutqaruvchilar qayiqlar yordamida xavfli hududlardan umumiy hisobda 740 ming kishini ko‘chirishga muvaffaq bo‘lgan, ularning 395 ming nafari 625 ta muvaqqat lagerlarga joylashtirilgan, qolganlari qarindoshlari va do‘stlarining uyidan qo‘nim topgan.
Bihardagi suv toshqinlariga musson yomg‘irlari sabab shtat hududidan oqib o‘tuvchi olti daryo, xususan, Ganga suvining keskin ko‘tarilishi sabab bo‘lgan. Hozirda suv sathi pasayayotgani aytilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)