Apple 2025 йил сентябрда янгиланган iPhone 17 моделларини тақдим этиши кутилмоқда. Улар орасида одатдаги версия, ўта юпқа iPhone 17 Air ҳамда юқори даражали Prо ва Pro Max версиялари бўлади.
Бу сафар барча моделлар биринчи бор 120 Гц янгиланиш частотасига эга экран ва ProMotion технологияси билан таъминланади. Айфон тарихида бу жуда муҳим ўзгариш, чунки илгари бундай хусусият фақат Pro версияларга хос бўлган. Эндиликда эса оддий iPhone билан Prо ўртасидаги тафовут камаяди. Шундай экан, iPhone 16 ўрнига iPhone 17 чиқишини кутиш фикри мантиқан тўғри кўринмоқда.
Шу билан бирга, Apple Prо моделларнинг ўзига хослигини сақлаб қолиш йўлини ҳам топди. Инсайдерлар маълумотига кўра, iPhone 17 Prо ва Pro Max версияларига бутунлай янги турдаги дисплей ўрнатилади ва экранга ёруғлик нури қайтмаслиги учун махсус қоплама билан ишлов берилади. У турли шикастланишларга қарши чидамлироқ бўлиши кўзда тутилган.
Шунингдек, улар iPad Pro ва iМаcʼдаги нанотўрли шишага ўхшаш махсус тузилмага эга бўлади. Бу технология Appleънинг бошқа қурилмаларида аллақачон синовдан ўтган ва айниқса ёрқин ва ёруғ жойларда ишлайдиган ёки экрандаги ўз аксини кўришни ёқтирмайдиган фойдаланувчилар томонидан илиқ кутиб олинган.
Агар Apple ушбу ечимни iPhoneʼга ҳам татбиқ этса, Про моделларга бўлган қизиқиш сезиларли даражада ошиши мумкин. Айниқса, iPhone 17 Аir модели нафақат ингичкароқ ва енгилроқ, балки ProMotion технологияси билан таъминланган ва эҳтимол нархи ҳам арзонроқ бўлиши мумкин. Ёруғлик нури қайтмаслиги учун ўрнатилган махсус экран қопламаси туфайли қуёш нурида ўқиш осонлашади, кўзлар камроқ чарчайди.
Авваллари Prо моделларнинг асосий устунлиги ProMotion технологияси бўлган бўлса, эндиликда дисплей қопламасининг сифати олдинги ўринга чиқмоқда. Айнан шу жиҳат фойдаланувчини Аir моделининг жозибасига қарамай, Prо версиясини танлашга ундаши мумкин. Агар бу тахминлар ўз тасдиғини топса, iPhone 17 Prо Appleʼнинг кўзлар учун энг қулай смартфони, деб топилиши мумкин.
Изоҳ (0)