Facebook асосчиларидан бири Дастин Московиц АҚШ президентлигига сайловларда Республикачилар партиясидан номзод Дональд Трамп ғалаба қозонишига йўл қўймаслик учун 20 миллион доллар ажратади. Бу ҳақда у 9 сентябрь, жума куни Medium блогидаги саҳифасида маълум қилди, дея хабар беради «ТАСС».
«Демократлар учун овоз бераётган кўпчилик каби уларнинг сиёсий дастуридаги ҳар бир бандни ёқламаймиз, бироқ агар Клинтон сайловларда ютса, Америка биз кўришни истаётган дунёга бирмунча яқинроқ келиши аниқ. Мабодо Дональд Трамп ғолиб чиқса, мамлакат ортга қайтади ва дунё ҳамжамиятидан яккаланиб қолади», — дея таъкидлайди Московиц.
Маълум бўлишича, 20 миллион доллар бир неча сиёсий фондларга тақсимланади ва улардан атиги бир қисми тўғридан-тўғри Ҳиллари Клинтоннинг сайловолди кампаниясини қўллаб-қувватлаш фондига ажратилади.
Изоҳ (0)