АҚШ биолог олимлари инсон шахсини нафақат ДНК, балки унинг сочларидаги оқсиллар орқали ҳам бехато аниқлашни ўрганди. Бу ҳақда «РИА Новости» хабар бермоқда.
«Биз ҳозир тахминан бамисли ДНК-таҳлилнинг илк фаолият даврларидаги босқичда турибмиз. Мазкур янги услуб криминалистикада янги инқилобга сабаб бўлади, унинг салоҳиятини тўлиқ юзага чиқариши учун ҳали кўп ишларни амалга оширишимиз керак», — дея таъкидлади Ливермордаги Лоуренс номли миллий лаборатория вакили Брэд Харт.
Харт ва ҳамкасбларининг билдиришича, улар томонидан яратилган оқсил таҳлили услуби (сочлар таркибидаги оқсилларнинг кимёвий тизимини бузмайдиган махсус ашёларга солинади ва таҳлил қилинади) инсон ўлимидан кейинги биринчи соат ва кунлардагина эмас, ҳатто орадан бир неча юз йил ўтиб ҳам шахсини аниқлашга имкон беради. Олимлар услуб ёрдамида бундан 250 йил аввал ўлган бир неча одам кимлигига аниқлик киритишга муваффақ бўлди.
Изоҳ (0)