Индонезия соҳил қўриқлаш хизмати кемалари қароқчиларни таъқиб этган тақдирда Филиппин ҳудудий сувларига кириши мумкин. Бу ҳақда 9 сентябрь, жума куни лавозимга сайланганидан кейин илк хорижий расмий ташриф билан Индонезияга келган Филиппин президенти Родриго Дутерте маълум қилди, дея хабар беради «ТАСС».
«Агар кемалар Филиппин ҳудудий сувларига тасодифан кириб қолгудек бўлса, қароқчиларни йўқ қилиш учун таъқибни давом эттириши мумкин», — дея таъкидлади Дутерте.
Дутерте Жакартада Индонезия президенти Жоко Видодо билан денгизда хавфсизликни таъминлаш, шунингдек, трансмиллий жиноятчиликка қарши кураш бўйича ҳамкорликдаги ҳаракатларни муҳокама қилди.
Изоҳ (0)