АҚШ расмийлари америкалик маҳбуслар озод этилганидан сўнг Эронга самолёт орқали нақд кўринишда жами 1,7 миллиард доллар жўнатди. Бу ҳақда The Wall Street Journal манбаларига таяниб, «ТАСС» хабар бермоқда.
Нашрга кўра, Эронга январда 400 миллион доллар берилганидан сўнг маъмурият 19 кун мобайнида жами 1,3 миллиард долларга тенг икки жўнатмани амалга оширди. Мазкур маблағ Теҳронга Швейцария франки, евро ва бошқа хорижий валютада тақдим этилди.
Вашингтон маблағ тўланганини инкор этмайди, бироқ расмийлар бу 4 нафар америкаликнинг Эрон қамоғидан озод этилиши учун тўлов бўлмаганини билдирмоқда. Оқ уй вакилларининг таъкидлашича, гап Теҳронга 1979 йилда АҚШ қурол-яроғи учун тўланган пулнинг қайтарилиши ҳақида кетмоқда. Ўша йили Эрон шоҳи тахтдан ағдарилган, мамлакатнинг янги расмийларига эса на пул, на қурол берилганди.
Изоҳ (0)