Тива Республикасида истиқомат қилувчи мактаб ўқувчиси ота-онасининг машинасини бошқара туриб тўққиз ёшли болани уриб кетди. Бу ҳақда республика ИИВ матбуот хизмати маълумотига таяниб, «Газета.ru» хабар бермоқда.
Йўл-транспорт ҳодисаси 4 сентябрь, якшанба куни Барун-Хемчик туманида юз берган.
«Барлик қишлоғининг 11 ёшли фуқароси Toyota Caldina машинасини бошқара туриб, уйи олдида айлана ҳаракат қилган ва уй олдида бўлган тўққиз ёшли болани уриб кетган. Ҳозирги пайтда бола жарроҳлик бўлимига ётқизилган», — дейилади матбуот хизмат хабарида.
Вояга етмаган ўқувчи қизнинг отасига нисбатан транспорт воситасини бошқариш ҳуқуқига эга бўлмаган шахсга бошқарувни бериш моддаси бўйича маъмурий баённома тузилган. Унинг онасига нисбатан ҳам ота-онанинг тарбиявий мажбуриятларини бажармаганлик бўйича баённома тузилди.
Изоҳ (0)