Хитойда ўтаётган G20 саммитида доирасида АҚШ президенти Барак Обама россиялик ҳамкасби Владимир Путин билан Сурия ва Украинадаги вазиятни муҳокама қилди. Бу ҳақда, Путиннинг матбуот котиби Дмитрий Песковга асосланиб, «Коммерсантъ» хабар бермоқда.
Песковнинг сўзларига кўра, учрашув режалаштирилганидан кўра кўпроқ — бир соатдан ортиқ давом этган ва унинг сўнгида давлат раҳбарлари «юзма-юз мулоқот қилган».
Россия президенти матбуот котибининг қайд этишича, учрашув яхши ўтган. «Иш давом эттирилади», — дея қўшимча қилди Песков.
Reuters’нинг АҚШ маъмуриятидаги манбаси берган ахборотга кўра, президентларнинг суҳбати «ишчи руҳда ўтган».
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)