Россия ҳамда Саудия Арабистони расмийлари ушбу бозордаги ҳаракатларни мувофиқлаштириш тўғрисида биргаликда баёнот беришга тайёрланаётгани ҳақидаги хабарлар туфайли нефть нархи кескин кўтарилди. Бу ҳақда «РБК» маълум қилди.
5 сентябрь, душанба куни ICE биржасида ноябрда етказиб бериладиган Brent туридаги нефть қиймати 5 фоиздан ошиқроқ қимматлаб, бир баррели учун 49,38 долларга етди.
Ундан бир кун аввал Владимир Путин G20 саммити доирасида Саудия Арабистони валиаҳд шаҳзодаси ўринбосари Муҳаммад бин Салмон билан учрашган, шаҳзода Саудия Арабистони ва Россия ўртасидаги ҳамкорлик икки мамлакатга ҳам «келгусида нефть бозоридаги воқеалар ривожидан кўплаб наф олишга эришиш»га имкон беришига ишонч билдирганди.
Изоҳ (0)