АҚШ мудофаа вазирлиги разведка бошқармаси Twitter’да жойлаштирилган президент Обаманинг Ханчжоу шаҳрида кутиб олиниши ҳақидаги ёзув учун кечирим сўради. Унда «Ҳар галгидек қойилмақом, ахир бу Хитой» дея киноя қилинганди. Бу ҳақда «Коммерсантъ» хабар бермоқда.
Твитда The New York Times чоп этган АҚШ ва Хитой амалдорлари ўртасидаги тортишувга доир материалга ҳавола ҳам берилганди. Кейинчалик бошқарма ёзувни олиб ташлади, шунингдек, «Ушбу аккаунтда янгилик хабарига тааллуқли твит жойлаштирилган. У муассаса қарашларини англатмайди. Биз кечирим сўраймиз», — дея узр сўради.
Эслатиб ўтамиз, G20 саммитида иштирок этиш учун келган АҚШ президенти самолётига трап тақдим этилмади. Обама гиламли йўлдан эмас, бошқа йўл орқали самолётдан тушишга мажбур бўлди.
Изоҳ (0)